سكر شفايفك

تدْري النّحل لو ذاق سكّر شفايفْـك
يتْرك رحيق الورْد وإيحـط يمّـك

وذاك البرد لو شاف لمْعة رهايفْـك
يذوب غيره لانظر صـوب فمّـك

حتى القمر صار إيتمنّى وصايفْـك
والّليل ودّه وسْط حضنـه يضمّـك

سبْحانه اللي من حلا, الكون قاطفْك
كمّلـك ربّـي ياحبيبـي و تمّـك

شعْرك إلْيا منّـك تثنّيـت لحّفْـك
والـورْد ذاب وودّه إنّـه يشمّـك

انت الغنج والـدّل نـاد, بتهنّفْـك
من زود زينك خوف تحْسدْك أمّـك

شاعرك بإحساسه عجز لايوصّفْـك
لنّك جمعْت الزّين في راس كمّـك

ياويش أوصّف بك قوامك,سوالفْك
كلّك جميـل وميّـزك خـفْ دمّـك

جرْأة عيونك في هدبهن وخايفْـك
لاسلْهمن ترْسل بهن سهـم سمّـك

وأنا بقتل الـرّوح قابـل تأسّفْـك
فدْوى العيـون وأنـت ولايهمّـك

دام الشّهد آيـات سكّـر شفايفْـك
القلب نحْله جابهـا الشّهْـد يمّـك